Alka vart plukka eller flådd. Vi bruka berre brystet, så det vart skore ut.

Legg alka i eddikvatn i 1-2 timar. 1 liter vatn - 200 g eddik (7%)

Kok opp vatn med små kvister av brake (einer). Når vatnet kokar (brakalogen), legg ein alkene i og let dei småkoka ca. 30 min. Ta alkene opp av brakalogen. Turk dei godt, og brun dei som vanleg vilt. Rask bruning, helst i jarngryte.
Så snart alkene er brune, har ein på salt og pepar og slår over ei blanding av mjølk og vatn (like delar). La det så småkoka i 30-40 min. Ha på rjome og geitost og la det putra til kjøtet er møyrt. Sausen kan jamnast med kveitemjøl, men må koka litt for å få mjølsmaken bort. Ha i sukkerkulør.

Hentet fra Vestlandsmat av Solfrid Rørlien Saue. Utgitt med tillatelse fra Det Norske Samlaget