Vask rogna. Ho må handsamast varsamt. Pakk ho i aluminiumsfolie og la ho trekkja i lettsalta vatn i 20-30 minutt.
Lettsalta vatn: 1 liter vatn og 1 ss salt.
Rogna kan brukast som ho er, eller til spesielle rettar:

WIENERSCHNITZEL
Skjer rogna i skiver og vend dei i mjøl. Dypp så skivene i piska egg, snu dei i rasp og brun dei på steikepanna. Server med sitron, ansjosfilet og kapers.

VILT
Brun heile rogna i gryte. Slå over mjølk og vatn pluss rjome. La ho småtrekkja. Jamn skyen med kveitemjøl, sukkerkulør, salt og pepar. Skjer opp på serveringsfatet. Saus ved sida av.

MEDALJONGAR
Kok ei sellerirot møyr. Skjer i skiver. Lag lys saus av sellerikrafta. Smørsteik runde loffskiver. Steik rognskiver.
Server loffskiver med rogn, selleriskive og ei epleskive til pynt, pluss poteter og saus.

Hentet fra Vestlandsmat av Solfrid Rørlien Saue. Utgitt med tillatelse fra Det Norske Samlaget